هل ارش كامل السيارة ؟

ركب تجليد أصرف من الرش لأن البيع مستقبلا بيضر الموتر وأحس من فك ولاتفك

بالعكس ياغالي اللون حلو , خلك قنوع احسن ما تبخ وتعدل وتبخس من سعر السياره لأن يختلف بخ الوكاله عن بخ الورش

الله يوفقك

بالعكس والله لونه حلو واذا تبي تغيير حط لون كحلي مطفي عشان ما تغير الاستماره بس الافضل خله كذا لونه ملكي وكشخه 

وبالنسبه للرش ترا ما راح تلقى مثل رش الوكاله وبتتحسف قد شعر راسك انك رشيت 

انا موتري لونه عودي غامق وفيه مخوش بالتنده والكبوت ولو يجي احد يعطيني 10 الاف ويقول رشه باحسن ورشه ما رحت ارشه لاني عارف ما راح القى مثل بوية الوكاله 

بالتوفيق

اللون حلوو ماشاءلله راح تدمره لو لعبت فيه
هو مشكبته يطيح سعره اصلا وشلون لو صبغته

الله يعطيكم العافية يا اخوان .. انا قلت اشاور . بس خلاص راح اخليه كذا بدون رش ولا تجليد تحياتي للجميع .

رشه مطفي مو تجليد رش تقدر تشيله التجليد بيسوي لك مشاكل معا المرور 

فـ روح عند ورشه ترشه لك مطفي أزرق الون اللي تبيه افضل

ماشاء الله الموتر 2005 والبويه شد بلد انصحك تخليها لانه بتاثر على البيع ومافي مثل شغل الوكاله 

ياخي بيعه ولا ترشه وقدام ماتبيعه وط يدك على سياره 

اذا رشيته رح ينخفس سعر الموتر

اقسم بالله اللون اااااااااادب
لا ترشه يالبى

ماشاء الله لون حلو ليه تغيره  بعكس لون هذا رياضي تلاحض بااكثر من سياره رياضيه  واكثر اصحاب رفاهيه يرغبونه 

نصيحه لك لا ترشها كامل  انا كان معي هايلوكس 2004غماره كان عليه سوم 43000  واذاك اليوم نسيت الكبوت مفتوح ماقفلته  وانفتح علي الكبوت وكسر القزازه وعفط التنده شوي قلت خلني ارشها كامل وفعلا رشيتها كامل واخر شي بعتها 27000 لانها مرشوشه وسلامتكم ...

لا حرام ترشه لووونة  ماشاء الله كحلي روووعه 

بعكس لونه من افضل الالون على سيارات الماني
الله يعطيك خيره يكفيك شره

السلام عليكم
الموضوع لايحتاج تعليق خلك على بوية بلدها الله يعطيك خيره ويكفيك شره
يالبى الالماني